pinagmamalaki ko pa rin na ako ay pilipino, sa kabila ng mga patong-patong na problema ng ating bansa eh masasabi kong masaya ako sa pagiging pilipino ko.

sa simpleng pagsakay ko ng jeep madalas, nararamdaman ko ang pagiging pilipino, at kanina, habang papuntang paaralan ay nakangiti akong bumaba sa jeep na aking sinakyan. sa dalawampung minutong pagsakay ko sa jeep ay meron akong natutunan.

ngumiti ka at siguradong may ngiting babalik sayo. may 2 babae at isang lalake na halos magkasunod sumakay sa jeep kanina, kakilala pala nung lalake ung 2 babae, ngumiti ito at nginitian din nila, at pagkatapos no, kwentuhan na, hanggang sa pagbaba ng lalake. di namasahe ung lalake kasi sagot na daw nila pamasahe niya, pagbaba nung lalake, di pa umandar agad ang jeep, me limampiso yata o sampung piso ang nasa inupuan nung lalake, ibibigay sana nung isang babae sa laake kaso sabi nung lalake, ” sa inyo na yan” sabay tawa. pati ako napangiti.

ang piso ay may mararating basta tulong tulong. may matandang namasahe, naiabot na sa drayber ung pera, tapos naala nung matanda na kulang yata ng piso ung pamasahe niya. maliliit mang halaga ang piso inihabol ito ng matanda, iniabot, pasa pasa, tulong tulong, hanggang sa may narating ng piso ang nais nitong kalagyan, kay mamang drayber. kung sana kahit di lang sa tayo sa jeep nagaabutan ng kamay, kung sana tulong tulong din tayo para sa bayan. kahit maliit lang, wag ikahiya ang estado. ika nga, “walang isang milyon kung walang piso, at walang piso kung walang isang sentimo”.

pag binigay mo ang lahat sayo, masusuklian ito. gaya sa jeep, pag nagbigay ka ng sandaan, sigurado, ikaw ay masusuklian. pwede natin itong iapply sa ating buhay. ibigay natin ang lahat para sa ating nais na marating, sa ating mga pangarap, mga mithiin. at sigurado pag binigay mo ang lahat ng makakaya mo, masusuklian ito ng tagumpay.

kung ang mga sinabi ko man ay korny o baduy para sayo, ayos lang, pananaw mo yun, pero isipin mo, nung pinaglaban ba ng mga bayani natin ang kalayaan ng ating bansa, tinawag din ba silang korny o baduy ng mga kapwa nila pinoy?

-danum